கோடானுகோடி நன்மை தரும் சப்தகுரு

வைணவத்தின் பிரதானக் கடவுளான விஷ்ணுவும், அவரது நாபிக் கமலத்தில் உதித்த பிரம்மனும், சிவனும் உறையும் அழகிய தலம் திருச்சியில் உள்ள உத்தமர் கோயில். சப்தகுரு என்ற ஏழு குரு தெய்வங்களைக் கொண்டது இத்திருத்தலம். பிரம்ம குரு, விஷ்ணு குரு, சிவ குரு, சக்தி குரு, சுப்ரமணிய குரு, தேவ குரு என்ற பிரகஸ்பதி, அசுர குரு என்ற சுக்ராச்சார்யார் ஆகியோர்தாம் அந்த ஏழு குருக்கள். குரு பார்க்கக் கோடி நன்மை. இத்தனை குருக்களைப் பார்த்தால் எத்தனை கோடி நன்மை?

மூன்று தேவியரும், மும்மூர்த்திகளும் கோயில் கொண்டுள்ள இத்திருக்கோயில் தரிசனம் சப்த குரு தரிசனம் எனப்படுகிறது. புத்திரகாரகன் என்று அழைக்கப்படும் குருவின் அருள் இருந்தால்தான் குழந்தைப்பேறு கிடைக்கும் என்று ஜோதிட நூல்கள் கூறுகின்றன.

நல்லறிவு, ஞானம், உயர் பதவி, நீதி உணர்வு, சொல் வன்மை, கலைகளில் தேர்ச்சி, தயாள குணம், மன மகிழ்ச்சி, சமய தீட்சை, தேவவேதாந்த அறிவு ஆகியவை குரு பகவானின் திருவருளால் கைகூடும் என்கிறது இத்திருத்தலப் புராணம்.

முதல் குரு பிரம்மா

பிரம்மா இத்தலத்தில் குரு பகவானாக விமானத்துடன் கூடிய தனிச் சன்னதி கொண்டுள்ளார். குரு பிரம்மா, குரு விஷ்ணு, குரு தேவோ மகேஸ்வர என்கிறது பிரபலமான சுலோகம். அதனால் முதல் குருவாகக் கொள்ளத் தக்கவர் பிரம்மா.

பிரம்மனுக்கு கோவில்கள் அரிது. பிரம்மன் இருப்பிடம் சிவன் கோயில்களில் பிறை மாடமாக மட்டுமே காணப்படும். ஆனால் உத்தமர் கோயிலில் அவருக்குத் தனிச் சன்னதி உண்டு.

ஞானம் அருளும் சரஸ்வதி

பிரம்மனின் இடப்புறம் தனிச் சன்னதி கொண்டு அருள்பாலிக்கிறாள் சரஸ்வதி. ஏட்டுச் சுவடியையும், ஜெப மாலையையும் கரங்களில் ஏந்தி அபய, வரத முத்திரையுடன் அருள்பாலிக்கிறாள். ஞானத்தை அருளும் அவளே மாணவர்களுக்கு நல்லறிவு, உயர்கல்வி, அதன் பயனான வேலை ஆகியவற்றை அருளுகிறாள்.

புருஷோத்தமனாகப் பெருமாள்

பிரம்மனுக்குத் தந்தை, அதனால் சரவஸ்வதிக்கு மாமனார் என்ற சிறப்புத் தகுதிகள் கொண்ட பெருமாளுக்கு இங்கு புருஷோத்தமன் என்பது திருநாமம். பெருமாள் அனந்த சயனக் கோலத்தில் காட்சி அளிக்கிறார்.

பூரணவல்லி மகாலட்சுமி

புருஷோத்தமப் பெருமாள் சன்னதியின் வெளியில் மகாலட்சுமி தனியாகக் கோயில் கொண்டுள்ளார். இச்சன்னதியில் எழுந்தருளிய தாயார் திருநாமம் பூரணவல்லி. இத்தாயார் அன்னபூரணி அம்சம் என்கிறது தல புராணம். பிச்சாடனர் கையில் இருந்த பிரம்ம கபாலத்தில், இத்தாயார் அன்னமிட்டதால் மட்டுமே நிரம்பி வழிந்ததாம் அன்னம். குறைவு இல்லா அன்னம் அளித்ததால் தாயார் அன்னபூரணி அம்சம் என்கிறார்கள். பூரணமாக அன்னம் அளித்ததால் பூரணவல்லி என்ற காரணச் சிறப்பு பெயர் தாயாருக்கு.

சயனத் திருக்கோலம்

கேட்டவுடன் கொடுக்கும் கடவுளான சிவனுக்கு இங்கு பிச்சாடனர் என்பது திருநாமம். பிரம்ம கபாலத்தை பிட்சை பாத்திரமாக ஏந்தியதால் பிச்சாடனர். சிவபெருமான் மூலவர் சன்னதியில் மூலவருக்கு அருகிலேயே பிச்சாண்டவர் உற்சவ மூர்த்தி உள்ளது. வைகாசி மாதம் இப்பெருமான் பிரம்மோற்சவத்தின் நான்காம் நாளன்று சேஷ வாகனத்தில் சயனத் திருக்கோலம் கொண்டு திருவீதி உலா வருவது சிறப்பு.

சிவபெருமான் சன்னதியின் வெளிப்புறம் முன் மண்டபத்தில் தனிச் சன்னதியில் செளந்தர்ய பார்வதி என்ற திருநாமத்துடன் அருளாட்சி செய்கிறாள். அன்னை தென்திசை நோக்கி இருப்பதால் சக்தி குருவாக பக்தர்களுக்கு அருள்பாலிக்கிறாள்.

உத்தமப் பெருமாள் உறையும் உத்தமர் கோயில் தரிசனம் உன்னதம் தரும்.

http://tamil.thehindu.com/society/spirituality//article7231048.ece

திருச்சி தில்லை நகரைச் சேர்ந்த கோமதி, ஃபேஷன் டிசைனர்.

ஆள் பாதி, ஆடை பாதி என்பதெல்லாம் அந்தக் காலம். ஆடைதான் இன்று ஒருவரின் அடையாளமாகக் கருதப்படுகிறது. பெண்களின் ஆடைகள் என்றால் சொல்லத் தேவையில்லை. இழைகளே தெரியாத அளவுக்குக் கண்ணைக் கவரும் வேலைப்பாடுகள் கோலோச்சுகின்றன. திருமணம், திருவிழா, பிறந்தநாள் விழா போன்ற கொண்டாட்டங்களுக்கு ஏற்ற பிரத்யேகமான உடைகள் கிடைக்காதா என்று ஆதங்கப்படும் பெண்களின் எண்ணிக்கை அதிகம். அவர்களின் அந்த ஆதங்கத்தையே தன் அடையாளத்துக்கான கருவியாகப் பயன்படுத்திக்கொண்டார் கோமதி. இவரின் கைவண்ணத்தில் சாதாரணத் துணியும் பளபளக்கும் தோற்றத்தைப் பெற்றுவிடுகிறது.

திருச்சி தில்லை நகரைச் சேர்ந்த கோமதி, அந்தப் பகுதியின் பெயர் சொல்லும் டிசைனர். கல்லூரி மாணவிகள், இல்லத்தரசிகள் என அனைத்து தரப்புப் பெண்களும் இவருடைய வாடிக்கையாளர்கள். இவரிடம் வரும் வாடிக்கையாளர்கள் தங்கள் உடையின் அளவை மட்டும் கொடுக்கின்றனர். மற்றபடி எந்த மாடல், என்ன டிசைன் என்பதையெல்லாம் கோமதியின் விருப்பத்துக்கே விட்டுவிடுகின்றனர். இதற்குக் காரணம், வாடிக்கையாளரின் உடல் வாகு மற்றும் அவரவர் முகத்தோற்றத்திற்கேற்ற வகையில் புதுப் புது டிசைன்களை கோமதி அறிமுகம் செய்துவிடுவார்.

சென்னையைப் பூர்வீகமாகக் கொண்ட கோமதி, திருமணத்துக்குப் பிறகு திருச்சியில் குடியேறி 16 ஆண்டுகள் ஆகின்றன. ஆங்கிலத்தில் முதுகலைப் பட்டம் முடித்த இவர், ஃபேஷன் டிசைனிங் படிப்பிலும் பட்டம் வாங்கியிருக்கிறார். கல்லூரிக் காலத்திலேயே டிசைனர் சுடிதார் ரகங்கள் மீது கோமதிக்கு அலாதிப் பிரியம். அவ்வப்போது புதிய டிசைன்களை வடிவமைப்பார்.

“டிசைனர் ஆடைகள் என்றாலே வட இந்தியாதான் என்ற நிலையை மாற்றி இங்கேயும் அதே போன்ற ஆடைகள் கிடைத்தால் எப்படியிருக்கும் என்று யோசித்தேன். என் சிந்தனைக்கு என் கணவரும் உறுதுணையாக நிற்க, அப்படித்தான் தொடங்கியது இந்தப் பயணம்” என்று சொல்லும் கோமதிக்கு, நீண்ட போராட்டத்துக்குப் பின் கடந்த இரண்டு ஆண்டுகளாகத்தான் அங்கீகாரம் கிடைத்திருக்கிறது.

தங்களின் நீண்ட நாள் ஆவல் நிறைவேறிய மகிழ்ச்சியைத் தன் வாடிக்கையாளர்களின் கண்களில் பார்ப்பதைப் பெருமிதத்துடன் குறிப்பிடுகிறார். வாடிக்கையாளர்களின் திருப்தி ஒன்றுதான் தனது குறிக்கோள் என்று சொல்லும் கோமதி, அவர்களின் பாராட்டு தனக்கு உத்வேகம் அளிப்பதாகச் சொல்கிறார்.

திருச்சி மட்டுமல்ல, மலேசியா, சிங்கப்பூர், சவுதி அரேபியா போன்ற நாடுகளிலும் கோமதிக்கு வாடிக்கையாளர்கள் உண்டு. மணப்பெண்களுக்கான பிரத்யேக ப்ளவுஸ் ரகங்கள் கோமதியின் தனிச் சிறப்பு. கச்சோரி, பிரின்சஸ், த்ரீ டாட், ஃபோர் டாட், பாடட், பேட்ச் வொர்க் எனப் பலவிதமாக வேலைப்பாடு அமைந்த பிளவுஸ் வகைகளைத் தைப்பதில் கோமதி தேர்ச்சியுடன் விளங்குகிறார். சுடிதாரிலும் வெவ்வேறு டிசைன்களை அறிமுகப்படுத்தியிருக்கிறார்.

நாளுக்கு நாள் மாறிவரும் ஃபேஷன் உலகில் புதுப் புது டிசைன் வகைகள் குறித்து எப்போதும் தன்னை அப்டேட் செய்து கொள்கிறார். ஒவ்வொரு சீசனிலும் எதற்கு அதிக வரவேற்பு இருக்குமோ அதை முன்கூட்டி யோசித்து, அதற்கேற்ப ஆடைகளை வடிவமைகிறார். கோடைகாலம் தொடங்கியுள்ள நிலையில், உடலுக்கு நன்மை பயக்கக்கூடிய ஆர்கானிக் டையிங் (இயற்கை உணவுப் பொருட்களைக் கொண்டு தயாரிக்கப்படும் சாயங்கள்) சுடிதார்களை அறிமுகப்படுத்தியிருக்கிறார்.

“இவை மிருதுவாக இருக்கும். ரசாயனக் கலப்பில்லாத சாயங்களைப் பயன்படுத்துவதால் உடலுக்கும் கேடு ஏற்படாது. இந்தவகை ஆடைகளுக்கு நல்ல வரவேற்பு உள்ளது” என்கிறார் கோமதி. கோமதியின் இந்த சமயோசிதமே அவரை வெற்றியின் வாசலுக்கு அழைத்துச் செல்கிறது.

http://tamil.thehindu.com/society/women/%8D/article7093518.ece?widget-art=four-all

PILGRIM’S PALACE AT SRIRANGAM

The Yatri Nivas at Srirangam has come as a big relief to those travelling by package trips.

Those on package tours benefit most from Yatri Nivas

The Yatri Nivas at Srirangam has been catering to the needs of pilgrims and devotees and has been registering full occupancy during peak period.

The absence of a full-fledged accommodation facility has been a major handicap at Srirangam for long and the opening of the facility has gone down well with the pilgrims. The largest beneficiaries are those who are on a package tour to pilgrim centres such as Rameswaram, Kumbakonam, and other important centres in the southern districts.

Located at Panchakarai on the banks of the Kollidam, the yatri nivas provides an ambience of a resort and can accommodate 1,000 pilgrims at a given time. It has 612 single rooms, 98 double-rooms, and 24 family cottages. It provides other amenities such as restaurant, tonsure house, rest-room for drivers, laundry, and a shopping complex with adequate parking area. The yatri nivas had been catering to the needs of different sections of society. “While pilgrims in groups from distant destinations prefer the single room for Rs.100 a day, VVIPs opt for the family cottages,” says an official source. The rental charge for the double room is Rs. 500; double-room air-conditioned Rs. 750, and air-conditioned cottages Rs. 1,750. The rooms can be booked online.

The location of the yatri nivas has been facilitating pilgrims to visit not only the Srirangam Sri Ranganathaswamy temple but also other important temples — Sri Jambukeswarar temple in Tiruvanaikovil on the east, Sri Samayapuram Sri Mariamman temple on the north, and Sri Prasanna Venkatachalapathy temple in Gunaseelam on the west.

Based on the recommendation of the pilgrims, the temple authorities have planned to provide additional facilities and services on the premises of the yatri nivas.

“To start with, we have planned to provide Automated Teller Machine (ATM) service on the premises and one of the banks has come forward to provide the same shortly,” says the source.

 http://www.thehindu.com/news/cities/Tiruchirapalli/pilgrims-palace-at-srirangam/article7069571.ece

ஸ்ரீரங்கம் அரங்கநாதர் கோயிலில் பக்தர்கள் பூட்டுப் போடுவதைக் கூறலாம்.

108 வைணவத் தலங்களில் முதன்மையானதும் பூலோக வைகுண்டம் என போற்றப்படுவதுமான ஸ்ரீரங்கம் அரங்கநாதர் கோயிலின் ஒவ்வொரு பகுதியும் விதவிதமான அதிர்வுகளை பக்தர்களுக்கு உணர்த்துபவை.

பல்வேறு சிறப்புகளைக் கொண்ட இக்கோயிலின் ‘ரங்கா ரங்கா’ கோபுரம் வழியாக உள்ளே சென்றால் முதலில் வரும் ரங்கவிலாச ஆஸ்தான மண்டபத்தில் இருக்கும் கல் கொடிமரத்தைச் சுற்றிலும், கம்பியில் விதவிதமான பூட்டுகள் தொங்குகின்றன.

பல்வேறு பிரச்சினைகளைத் தீர்க்க வேண்டி இங்கு பக்தர்கள் பூட்டு மாட்டுகின்றனர். குடும்பம், வேலை பார்க்கும் இடம், சொந்த தொழில் என எங்கு பிரச்சினை என்றாலும் கடைசியில் அரங்கனை சந்தித்தால் மட்டுமே தீர்வு ஏற்படும் என்பது பக்தர்களின் நம்பிக்கை.

தாயும் ஆன இறைவன்

குழந்தை வரம் கிடைக்கவும், சுகப்பிரசவம் ஆகவும் தாயுமானவருக்கு வாழைத்தார் படைத்து, பாலாபிஷேகம் செய்து வழிபடுவது பக்தர்களின் வாடிக்கை. வாழையடி வாழையாகக் குடும்பம் தழைக்க வேண்டும் என்ற அடிப்படையில், வாழையைக் கருவறையில் வைத்துப் பூஜித்து, பின்பு அதைப் பிரசாதமாகக் கொடுக்கிறார்கள்.

சுகப்பிரசவ வழிபாடு: மட்டுவார்குழலி அம்பாள் தனிச் சந்நிதியில் இருக்கிறாள். கர்ப்பிணிப் பெண்ணின் வீட்டிலிருந்து யாராவது ஒருவர் வந்து, இந்த அம்பிகைக்கு 21 கொழுக்கட்டை, 21 அப்பம் படைத்து, ஒரு துணியில் மஞ்சள், குங்குமம், வெற்றிலையைக் கட்டி அர்ச்சனை செய்து வழிபட்டால் சுகப்பிரசவம் ஆகும் என்பது நம்பிக்கை.