மாதவிடாய்க்கு இரண்டு நாளைக்கு முன்னதாக வரும் பருக்கள், ஒரு சில நேரம் நிலைத்துக் கறுத்துவிடுகின்றன, என்ன செய்யலாம்?
மாதவிடாய்க்கு ஒரு வாரம் முன்பிருந்து கண்டிப்பாக உங்கள் உணவில் பழங்கள், இளநீர், மோர் சேருங்கள். உளுந்து சாதம்- எள்ளுத் துவையல் சாப்பிடுங்கள். முடிந்தால் தினசரித் தலைக்குக் குளிப்பது மிக மிக நல்லது. அத்தோடு முகத்தைப் பாசிப்பயறு, கோரைக் கிழங்கு, கிச்சிலிக் கிழங்கு, வெட்டி வேர், கஸ்தூரி மஞ்சள் சேர்த்து வீட்டில் தயாரிக்கும் நலுங்கு மாவு கொண்டு மாலையும் இரவும் கழுவுங்கள்.
அதையும் தாண்டி முகப்பரு வந்தால், திருநீற்றுப் பச்சிலை (துளசி வகை) சாறை அவ்விடத்தில் தடவிவாருங்கள். இப்போது அதில் இருந்து எடுக்கப்படும் basil oil-இல் செய்த மூலிகை கிரீம்களும் சந்தையில் கிடைக்கின்றன.
